Стратегиялық жоспарлау және корпоративтік даму комитеті
Стратегиялық жоспарлау және корпоративтік даму комитеті Директорлар кеңесіне қызметтің (дамудың) басым бағыттарын, стратегиялық мақсаттарды (даму стратегияларын), корпоративтік даму мәселелерін әзірлеу мәселелері, оның ішінде Қоғам қызметінің орта және ұзақ мерзімді перспективада тиімділігін арттыруға ықпал ететін іс - шараларды әзірлеу, оның рентабельді қызметі және орнықты даму мәселелері бойынша ұсынымдар дайындау үшін құрылды.
Комитет құрамы:
Комитет төрағасы - Элизабетта Капаннелли;
Комитет мүшесі - Анна Фокина;
Комитет мүшесі - Вячеслав Сон.
Аудит және тәуекелдер комитеті
Аудит және тәуекелдер комитеті Директорлар кеңесіне Қоғамның қаржы-шаруашылық қызметін (оның ішінде қаржылық есептіліктің толықтығы мен анықтығын) бақылаудың тиімді жүйесін белгілеу бойынша, ішкі бақылау және тәуекелдерді басқару жүйесінің сенімділігі мен тиімділігін мониторингтеу бойынша, сондай-ақ корпоративтік басқару саласындағы, сыртқы және ішкі аудиттің және комплаенс қызметінің тәуелсіздігін бақылау жөніндегі құжаттардың орындалуы, Қазақстан Республикасының заңнамасын және Қоғамның ішкі құжаттарын сақтау бойынша ұсынымдар дайындау арқылы Қоғамның Директорлар кеңесі жұмысының тиімділігі мен сапасын арттыру мақсатында құрылған. Сондай-ақ Комитет Қоғамның Директорлар кеңесіне қызметтің (дамудың) басым бағыттарын әзірлеу және қоғамда тәуекелдерді басқарудың барабар жүйесінің жұмыс істеуі, тәуекелдерді басқару жүйесін жетілдіру және нығайту мәселелері бойынша ұсынымдар дайындаумен айналысады.
Комитет құрамы:
Комитет төрағасы - Николас Пейдж;
Комитет мүшесі - Анна Фокина;
Комитет мүшесі - Вячеслав Сон.
Кадрлар, сыйақылар және әлеуметтік мәселелер комитеті
Кадрлар, сыйақылар және әлеуметтік мәселелер комитеті Директорлар кеңесінің кадр саясаты, тағайындаулар және сыйақылар жүйесі саласындағы құзыретіне жататын мәселелерді тереңдете пысықтау және мониторинг жүргізу арқылы Директорлар кеңесі жұмысының тиімділігі мен сапасын арттыру үшін құрылды. Комитет Қоғамның Директорлар кеңесі мүшелерінің, Қоғам Басқармасы мүшелерінің және Корпоративтік хатшының қызметіне бағалау жүргізеді, сондай-ақ Басқарма Төрағасы мен мүшелерінің сабақтастығын жоспарлаумен айналысады.
Комитет құрамы:
Комитет төрағасы - Анна Фокина;
Комитет мүшесі - Николас Пейдж;
Комитет мүшесі - Вячеслав Сон.
Директорлар кеңесі мүшелеріне сыйақы берудің негізгі принциптері
Қазақстан Республикасының заңнамасында, QIC жарғысында, сондай-ақ компанияның ішкі құжаттарында белгіленген тәртіппен Директорлар кеңесінің мүшелері өз міндеттерін орындау кезеңінде сыйақы және (немесе) Директорлар кеңесі мүшелерінің функцияларын орындауға байланысты шығыстардың өтемақысын алуы мүмкін.
Директорлар кеңесінің мүшесіне сыйақының мынадай түрлері белгіленуі мүмкін:
- Директорлар кеңесіне мүшелігі үшін бекітілген жылдық сыйақы;
- Директорлар кеңесі комитетінің төрағасы ретінде QIC қызметіне қатысқаны үшін белгіленген жылдық сыйақы;
- комитет мүшесі ретінде Директорлар кеңесі комитетінің қызметіне қатысқаны үшін белгіленген жылдық сыйақы.
Сыйақы төлеу және шығыстар өтемақысының шарттары мен мөлшері, егер жалғыз акционердің шешімімен өзгеше белгіленбесе немесе Қазақстан Республикасының заңнамасында көзделмеген болса, Директорлар кеңесінің төрағасы қол қоятын тәуелсіз директормен тиісті келісімде көрсетіледі.