Комплаенс-тәуекелді басқару
«Qazaqstan Investment Corporation» АҚ-ның Сыбайлас жемқорлыққа қарсы комплаенс-қызметі корпоративтік басқару жүйесінің бір бөлігі болып табылады және «Qazaqstan Investment Corporation» АҚ мен оның еншілес ұйымдарында комплаенс-тәуекелді басқаруға және сыбайлас жемқорлыққа қарсы іс-қимыл жүйесін ұйымдастыруға жауапты.
Сыбайлас жемқорлыққа қарсы комплаенс-қызметтің негізгі функциялары сыбайлас жемқорлыққа қарсы іс-қимыл, мүдделер қақтығысының алдын алу, іскерлік әдеп кодексінің талаптарын бұзу, сыбайлас жемқорлық және басқа да құқыққа қайшы әрекеттер фактілері бойынша жеке және заңды тұлғалардың өтініштерін қарау болып табылады.
Сыбайлас жемқорлыққа қарсы саясат
«Qazaqstan Investment Corporation» АҚ сыбайлас жемқорлықтың алдын алу және анықтау бойынша бақылау функцияларын енгізу, сондай-ақ «Qazaqstan Investment Corporation» АҚ-да сыбайлас жемқорлықтың кез келген көріністерін қатаң қабылдамау ахуалын қалыптастыру арқылы сыбайлас жемқорлыққа қарсы іс-қимыл бойынша белсенді жұмыс жүргізуде.
Осы мақсатта «Qazaqstan Investment Corporation» АҚ Директорлар кеңесі сыбайлас жемқорлыққа қарсы күрес жөніндегі іс-шаралар кешенін, сондай-ақ «Qazaqstan Investment» АҚ қызметкерлерінің сыбайлас жемқорлыққа қарсы мәдениетін қалыптастыруды көздейтін, еңбек міндеттерін орындау кезінде адалдық пен ашықтық қағидаттарының сақталуын қамтамасыз ететін «Qazaqstan Investment Corporation» акционерлік қоғамында сыбайлас жемқорлыққа қарсы іс-қимыл саясатын (2022 жылғы 26 шілдедегі № 15/22 хаттама) бекітті.
Іскерлік әдеп кодексі
«Qazaqstan Investment Corporation» АҚ-да Іскерлік әдеп кодексі қабылданды, ол лауазымды адамдар мен қызметкерлер басшылыққа алатын корпоративтік (іскерлік) әдептің негіз қалаушы құндылықтары мен қағидаттарын белгілейтін қағидалар жиынтығын көздейді.
Сыбайлас жемқорлық және алаяқтық фактілері немесе ықтимал жағдайлары, сондай-ақ басқа да құқыққа қайшы әрекеттер бойынша хабардар ету
Сыбайлас жемқорлық және алаяқтық фактілері немесе ықтимал жағдайлары, сондай-ақ «Qazaqstan Investment Corporation» АҚ мен оның еншілес ұйымдарындағы басқа да құқыққа қарсы іс-қимылдар бойынша Сыбайлас жемқорлыққа қарсы комплаенс-қызметке +7 (7172) 907 740 телефоны бойынша, сондай-ақ мына электрондық мекенжайға жүгіну қажет: compliance@qic.kz, пошталық мекенжайы: 010000, Қазақстан Республикасы, Z05Т3Е2, Астана қаласы, Есіл ауданы, Мәңгілік Ел даңғылы, 55А, «Qazaqstan Investment Corporation» АҚ Сыбайлас жемқорлыққа қарсы комплаенс-қызметінің басшысына.
Сондай-ақ, сыбайлас жемқорлыққа қарсы комплаенс-қызметке өз хабарламаңызды арнайы нысанның көмегімен келесі сілтеме бойынша жіберуге болады - Сыбайлас жемқорлық немесе алаяқтық фактілері немесе ықтимал жағдайлары, сондай-ақ басқа да құқыққа қайшы әрекеттер туралы хабарлау.
Бекітілген рәсімдерге сәйкес әрбір өтініш міндетті түрде Сыбайлас жемқорлыққа қарсы комплаенс-қызметте сыбайлас жемқорлық пен алаяқтықтың расталған фактілерінің болу-болмауы нысанында қаралады және тексеріледі. «Qazaqstan Investment Corporation» АҚ лауазымды адамдарының және/немесе қызметкерлерінің сыбайлас жемқорлық қызметіне, алаяқтыққа немесе өзге де құқыққа қайшы әрекеттерге қатысуының әрбір ақылға қонымды негізделген күдігі немесе белгіленген фактісі бойынша Сыбайлас жемқорлыққа қарсы комплаенс-қызмет қызметтік тексеруге бастамашылық жасайды. Қызметтік тексеру жүргізу тәртібі компанияның тиісті нормативтік құжаттарымен айқындалады.