QIC Корпоративтік басқару кодексіне сәйкес Ішкі аудит қызметі корпоративтік басқаруды бағалауды екі жылда 1 рет, сондай-ақ сыртқы аудиторларды тарта отырып, корпоративтік басқаруды тәуелсіз бағалауды үш жылда кемінде 1 рет жүргізуі қажет.

2021 жылдың 4-тоқсанында Ішкі аудит қызметі корпоративтік басқару жүйесіне бағалау жүргізді.

Корпоративтік басқаруды бағалау үш негізгі компонент бойынша жүргізілді: Құрылым, Процестер, Ашықтық және QIC корпоративтік басқаруды диагностикалау әдістемесінде көзделген корпоративтік басқару жүйесінің өлшемшарттарын орындауға бағытталған.

Корпоративтік басқару диагностикасының қорытындысы бойынша QIC үздік әлемдік тәжірибелер талаптарына сәйкестігін бағалау 88,6%-ды құрады.

2019 жылы корпоративтік басқарудың алдыңғы диагностикасымен салыстырғанда рейтингтің 77,7%-дан өсуі байқалады. Алдыңғы диагностиканың нәтижелері бойынша корпоративтік басқаруды жетілдіру жөніндегі жоспар (бұдан әрі - жоспар) бекітілді. Жоспарды орындау бойынша жұмыс шеңберінде қарастырылып отырған кезеңде Процестер мен Ашықтық компоненттері бойынша және корпоративтік басқарудың көптеген қосалқы компоненттері бойынша үздік әлемдік тәжірибелердің талаптарына сәйкестік деңгейінің өсуі байқалады.

QIC жүзеге асырған корпоративтік басқарудың негізгі аспектілеріне қосымша, корпоративтік басқарудың үздік тәжірибелеріне сәйкес келу мақсатында жетілдіруді талап ететін салалар бар. ІАҚ корпоративтік басқару құрылымының құрамдас бөліктері, корпоративтік басқару қағидаттарына, қаржы-мүдделі тараптардың құқықтарына жалпы бейілділік, құзыреттердің аражігін ажырату, мүдделер қақтығысы, директорлар кеңесінің тиімділігі, тұрақты дамуды басқару, сыйақы мен сабақтастық, тәуекелдерді басқару, қаржылық ақпаратты ашу жүйесі және ішкі аудит бөлігінде корпоративтік басқаруды жетілдіру бойынша ұсынымдар берді. Анықталған кемшіліктер QIC тиісті құрылымдық бөлімшелерімен талқыланды. Аудиторлық тапсырманы орындау барысында анықталған кемшіліктерді және оларды жою бойынша берілген ұсынымдарды қарау нәтижелері бойынша аудит объектісі корпоративтік басқаруды жетілдіру жөніндегі жоспарды дайындады.

Корпоративтік басқару жүйесін бағалау жөніндегі аудиторлық тапсырманың нәтижелері бойынша есеп, сондай-ақ аудиторлық тапсырманың нәтижелері бойынша корпоративтік басқаруды жетілдіру жөніндегі жоспар Қоғам Басқармасының 2021 жылғы 30 желтоқсандағы шешімімен назарға алынды және Қоғамның Директорлар кеңесі 2022 жылғы 28 қаңтарда бекітті.

Корпоративтік басқару кодексінің талаптарына сәйкес 2022 жылы «ПрайсуотерхаусКуперс» ЖШС жоғарыда аталған әдістемеге сәйкес, сондай-ақ мемлекет қатысатын ұйымдар мен корпоративтік басқару саласындағы озық халықаралық тәжірибелер үшін экономикалық ынтымақтастық және даму ұйымының корпоративтік басқару жөніндегі ұсынымдарының ережелері мен қағидаттарын қолдана отырып, Қоғамның корпоративтік басқару жүйесіне тәуелсіз бағалау жүргізді.

Диагностика қорытындысы бойынша Қоғам Басқармасының үздік әлемдік практика талаптарына сәйкестігін бағалау 93,81%-ды құрады және 2021 жылдан бастап «Құрылым» компоненті бойынша 83,6%-дан 95,83%-ға дейін, «Процестер» компоненті бойынша – 89,1%-дан 91,67%-ға дейін, «Ашықтық» компоненті бойынша – 91,9%-дан 94,51%-ға дейін өскені байқалады.

2023 жылғы 21 ақпанда корпоративтік басқаруды тәуелсіз бағалау қорытындысы бойынша Директорлар кеңесінің шешімімен «Qazaqstan Investment Corporation» акционерлік қоғамының корпоративтік басқару жүйесін жетілдіру жөніндегі 2023-2025 жылдарға арналған іс-шаралар жоспары бекітілді.