2020 жылы «Qazaqstan Investment Corporation» АҚ – ның 2014-2023 жылдарға арналған өзектілендірілген Даму стратегиясы бекітілді.
Стратегия «Qazaqstan Investment Corporation» АҚ қызметінің бағыттарын, халықаралық кеңістіктегі және ел ішіндегі экономикалық және нарықтық конъюнктураның соңғы өзгерістерімен негізделген QIC ұсынатын қолдау бағдарламалары мен қаржы құралдарын қайта қарау/нақтылау қажеттілігіне байланысты әзірленді.
Стратегия Қазақстан Республикасы мемлекеттік саясатының әлеуметтік-экономикалық және индустриялық-инновациялық басымдықтарын және әлемдік және қазақстандық тікелей инвестициялар нарықтарында, сондай-ақ венчурлік қаржыландыру, стрестік активтер және мемлекеттік – жекешелік әріптестік нарықтарында қалыптасқан трендтерді көрсетеді.
1-стратегиялық бағыт: Тікелей инвестициялар нарығын және Қазақстанның ұлттық экономикасын ілгерілету мен дамыту
- ПИ әлеуетін инвестицияланатын капитал, байланыстардың іскерлік желісі, QIC қызметкерлерінің тәжірибесі мен білімі арқылы активтер класы ретінде іске қосу.
- Халықаралық танылған экологиялық, әлеуметтік және басқарушылық стандарттарға (ESG) негізделген тұрақты бизнесті дамытуға жәрдемдесу.
2-стратегиялық бағыт: QIC инвестициялық портфелін ұлғайту
- Өңірде нарық көшбасшысы болуға үлкен әлеуеті бар кәсіпкерлік субъектілерін дамыту.
- АӨК-дегі қаржыландырудың қолжетімділігін, өндірісті техникалық жарақтандыру және қарқындату деңгейін арттыру.
- МЖӘ инфрақұрылымдық жобаларының, стресті активтер мен венчурлік қаржыландырудың жергілікті нарығын дамыту.
3-стратегиялық бағыт: QIC өнімділігін арттыру
- Әрбір инвестиция бойынша кірістіліктің оң нормасын тәуекелсіз мөлшерлеме деңгейінен жоғары белгілеуге бағдарлану және инвестициялар портфелі құнының 1-ден жоғары жылдық мультипликаторына қолжеткізу.