QIC стратегиялық міндеттерінің бірі халықаралық танылған экологиялық, әлеуметтік және басқару стандарттарына негізделген тұрақты бизнесті дамытуға жәрдемдесу болып табылады.

Бүгінгі таңда QIC «жауапты инвестициялау» моделіне көшу бойынша жұмыс жүргізуде. QIC инвестициялық процестің барлық – жобалық ұсыныстарды іздеу, инвестициялық шешімдер қабылдау, қаржыландырылған жобалардың өмірлік циклін бақылау (оның ішінде экологиялық және әлеуметтік әсерді бағалау) және жобадан шығу кезеңдерінде ESG факторларын бағалауды енгізуге тырысады.

«Жауапты инвестициялау» практикасын енгізудің негізгі мақсаты портфельдік компаниялардың қоғамға және қоршаған ортаға көрсететін тәуекелдерін азайту және олардың бәсекеге қабілеттілігін дамыту үшін компаниялардың бизнес-процестерінің тұрақтылығын арттыру болып табылады.

Жобаларды іске асырудан оң экологиялық және әлеуметтік әсерлерді арттыру мақсатында QIC Директорлар кеңесінің шешімімен QIC тұрақты даму саясаты өзектендірілді, онда инвестицияларды алушыларға қойылатын экологиялық және әлеуметтік талаптар және оларды қаржылық қолдау көрсету мен жобаларды іске асыруды одан әрі мониторингтеу үдерісі шеңберінде қолдану рәсімдері әзірленді.

QIC тұрақты даму саясатын іске асыру үшін QIC тұрақты даму саласындағы 2023-2024 жылдарға арналған іс-шаралар жоспары бекітілді, ол QIC инвестициялық және операциялық процестеріне тұрақты даму қағидаттарын енгізуге, сондай-ақ корпоративтік басқарудың топішілік практикасын жетілдіруге бағытталған іс-шараларды қамтиды.

2022 жылдан бастап жария қаржылық емес есептілікті дайындау саласындағы халықаралық стандарттарға сәйкес келу мақсатында QIC GRI (Global Reporting Initiative) Жаһандық есептілік бастамасының тұрақты даму саласындағы есептілік жөніндегі нұсқаулығына сәйкес ақпаратты ашу практикасын енгізеді.

Біздің компания осы бағыттағы жұмыстың ажырамас бөлігі мүдделі тараптармен сапалы және уақтылы өзара іс-қимыл жасау екенін түсінеді. Біздің стейкхолдерлермен жұмыс QIC Директорлар кеңесінің шешімімен тұрақты негізде өзектендірілетін стейкхолдерлер картасы шеңберінде жүргізіледі. Стейкхолдерлер картасы негізгі мүдделі тараптардың тізімін және олардың әсер ету дәрежесін анықтайды. Карта стейкхолдерлердің әрбір тобына Қоғамның әсері туралы ақпаратты жүйелеуге және өзара іс-қимылдың тиімді стратегиясын әзірлеуге мүмкіндік береді.

«Жауапты инвестициялау» моделіне көшу шеңберінде QIC 2022 жылы БҰҰ Жауапты инвестициялау қағидаттары бойынша қауымдастығына (UN Principles of Responsible Investments) кірді . Қауымдастықтың мүшелері халықаралық тікелей инвестициялар қорлары мен инвестициялық компаниялар болып табылады, олардың қызметі инвестициялық қызметке ESG стандарттарын енгізу арқылы «жауапты инвестициялау» тұжырымдамасын дамытуға бағытталған.

Қауымдастыққа кіру компания қызметкерлерінің жауапты инвестициялау саласындағы ішкі құзыреттерін арттыруға мүмкіндік береді және ESG стандарттарын бизнес-процестерге жыл сайынғы негізде интеграциялау барысын бағалауға мүмкіндік береді.

QIC қоршаған ортаға көмірқышқыл газы шығарындыларының санын азайтуға, қоршаған ортаға жүктемені азайту және табиғи ресурстардың тозуы кезінде ел халқының әл-ауқатын, өмір сүру сапасын арттыруға бағытталған «жасыл» жобаларды іске асыруға ерекше назар аударады.

Бүгінгі таңда QIC инвестициялық портфелінде 67 МВт жиынтық қуатымен жаңартылатын энергия көздері саласында іске асырылған мынадай жобалар бар:

1. Қызылорда облысы Шиелі ауданында қуаты 50 МВт «Байқоңыр» күн электр станциясы;

2. Қарағанды облысында қуаты 10 МВт «Кеңгір» күн электр станциясы;

3. Жетісу облысында қуаты 7 МВт Көксу өзеніндегі гидроэлектростанция.

2022 жылдың қорытындысы бойынша QIC портфеліндегі жасыл жобалардың үлес салмағы 6,8%-ды құрайды.

QIC-тің БҰҰ-ның»Әйелдердің құқықтары мен мүмкіндіктерін кеңейту қағидаттары» бастамасына қосылуы шеңберінде гендерлік теңдікке қол жеткізу жөніндегі табыстар туралы нәтижелерді бағалау

QIC БҰҰ-ның «Әйелдердің құқықтары мен мүмкіндіктерін кеңейту қағидаттары» (WEP) жаһандық бастамасына қосылды. 2022 жылдың тамызында компания «БҰҰ-Әйелдер» құрылымының қолдауымен WEP жаһандық платформасында сәтті тіркелді.

WEP қағидаттарына қол қою QIC-тің гендерлік теңдікті ілгерілетуге және әйелдердің мүмкіндіктерін кеңейтуге деген қызығушылығы мен белсенді ұстанымының қоғамдық дәлелі болып табылады.

Осылайша, операциялық қызметте QIC компания ішінде гендерлік теңдікті жақсартуға ұмтылады.

2023 жылғы 15 қыркүйекке Қоғам көшбасшылық позицияларда әйел өкілдерін көбейтуде айтарлықтай ілгерілеуге қол жеткізді. Мысалы, Қоғамның Директорлар кеңесі мен Басқарма құрамы 50% әйелдерден тұрады. Қоғамның Басқарма Төрайымы - Қуатова Айнұр Саинқызы.

QIC сондай-ақ гендерлік алшақтықты жою мақсатында құрылған The Closing the Gender Gap жаһандық бастамасының қатысушысы болып табылады. Қол қойылған келісім шеңберінде QIC оның жұмысына белсенді қатысады.

QIC жынысы немесе гендерлік қатысы бойынша кемсітушілікке жол бермейді және жұмысқа қабылдау, жалақы төлеу, бағалау, оқуға қолжетімділікті қамтамасыз ету, біліктілікті арттыру және кәсіби даму, лауазымды жоғарылату кезінде ерлер мен әйелдер үшін тең мүмкіндіктерді қамтамасыз ету қағидаттарын ұстанады.

Өзінің философиясы мен құндылықтарының бір бөлігі ретінде QIC әйелдердің экономикалық мүмкіндіктерін кеңейтуге үлес қосуға ұмтылып, кәсіпкер әйелдердің қаржыға қолжетімділігін жақсарту үшін қаржы құралдарын жасаумен айналысады.