QIC-нің жалғыз акционері «Бәйтерек» Ұлттық басқарушы холдингі» АҚ болып табылады.

«Бәйтерек» Ұлттық басқарушы холдингі» акционерлік қоғамы Даму институттарын, қаржы ұйымдарын басқару жүйесін оңтайландыру және ұлттық экономиканы дамыту жөніндегі кейбір шаралар туралы Қазақстан Республикасы Президентінің 2013 жылғы 22 мамырдағы № 571 Жарлығына және «Қазақстан Республикасы Президентінің 2013 жылғы 22 мамырдағы № 571 Жарлығын іске асыру жөніндегі шаралар туралы» Қазақстан Республикасы Үкіметінің 2013 жылғы 25 мамырдағы № 516 қаулысына сәйкес құрылды.

«Бәйтерек» холдингі өзіне меншік құқығымен тиесілі және сенімгерлік басқаруға берілген ұлттық даму институттарының, ұлттық компаниялардың және басқа да заңды тұлғалардың акциялар пакеттерін (қатысу үлестерін) басқаруды жүзеге асырады.

«Бәйтерек» холдингінің миссиясы шикізаттық емес секторды қаржылық-инвестициялық қолдау, ұлттық экономиканы тұрақты дамытуды қамтамасыз ету және әртараптандыру, инвестициялар тарту, кластерлерді дамыту және оның еншілес ұйымдарында корпоративтік басқару жүйесін жетілдіру болып табылады.

«Бәйтерек» холдингі қызметінің негізгі стратегиялық бағыттары:

• экономиканың басым секторларына қаржылық қолдау көрсету арқылы Қазақстан Республикасы экономикасының тұрақты дамуын қолдау;
• шағын және орта кәсіпкерлікті қолдау;
• экономиканың жаңа, заманауи салаларын қолдау және инновацияларды дамыту;
• қазақстандық компаниялардың экспорттық қызметін қолдау;
• мемлекеттің әлеуметтік-бағдарланған міндеттерін шешуге жәрдемдесу.

«Бәйтерек» Холдингі қабылдайтын негізгі шешімдердің арасында QIC қызметінде:

• БКМ Жарғысын және ондағы өзгерістерді бекіту;
• БКМ Директорлар кеңесінің мүшелерін сайлау және өкілеттігін мерзімінен бұрын тоқтату;
• жылдық қаржылық есептілікті және БКМ жылдық есебін бекіту;
• дивидендтер мөлшерін бекіту;
• БКМ - ға тиесілі барлық активтердің баланстық құнының жалпы мөлшерінің жиырма бес немесе одан да көп пайызын құрайтын сомада активтердің бір бөлігін беру (алу) арқылы заңды тұлғаларды, инвестициялық қорларды құруға қатысуы не заңды тұлғалардың, инвестициялық қорлардың қатысушылары (акционерлері) құрамынан шығуы туралы бекіту.

Дивидендтік саясат

Жалғыз акционерге дивидендтер төлеу шарттары мен тәртібі Қазақстан Республикасының қолданыстағы заңнамасымен, QIC Жарғысымен және БКМ жалғыз акционерінің тиісті шешімдерімен реттеледі.

Қосымша ақпаратты «Бәйтерек» холдингінің ресми веб-сайтынан алуға болады https://baiterek.gov.kz.